RADHA PARTANA(Uddhaba krit)Radha stotra.22
॥ श्रीराधाप्रार्थना उद्धवकृता ॥
उद्धव उवाच ।
चेतनं कुरु कल्याणि जगन्मातर्नमोऽस्तुते ।
त्वमेव प्राक्तनं सर्वं कृष्णं द्रक्ष्यसि साम्प्रतम् ॥ १॥
त्वत्तो विश्वं पवित्रं च त्वत्पादरजसा मही ।
सुपवित्रं त्वद्वदनं पुण्यवत्यश्च गोपिकाः ॥ २॥
लोकास्त्वामेव गायन्ति गीतैर्मङ्गलसंस्तवैः ।
त्वत्सुकीर्तिं च वेदाश्च सनकाद्याश्च सन्ततम् ॥ ३॥
कृतपापहरां पुण्यां तीर्थपुजां च निर्मलाम् ।
हरिभक्तिप्रदां भद्रां सर्वविघ्नविनाशिनीम् ॥ ४॥
त्वमेव राधा त्वं कृष्णस्त्वं पुमान् प्रकृतिः परा ।
राधामाधवयोर्भेदो न पुराणे श्रुतौ तथा ॥ ५ ॥
==
No comments:
Post a Comment