DUKHA MOCHAK ACHYUTASTAKAM(Vishnu stotra.11)
दुःखमॊचकश्रीमदच्युताष्टकम्
(श्री शंकराचर्यकृतम्)
अच्युताच्युत हरॆ परमात्मन्
रामकृष्ण पुरुषॊत्तम विष्णॊ ।
वासुदॆव भगवन्ननिरुद्ध
श्रीपतॆ शमय दुःखमशॆषम् ॥ १ ॥
विश्वमङ्गल विभॊ जगदीश
नन्दनन्दन नृसिंह नरॆन्द्र ।
मुक्तिदायक मुकुन्द मुरारॆ
श्रीपतॆ शमय दुःखमशॆषम् ॥ २ ॥
रामचन्द्र रघुनायक दॆव
दीननाथ दुरितक्ष्ययकारिन् ।
यादवॆन्द्र यदुभूषण यज्ञ
श्रीपतॆ शमय दुःखमशॆषम् ॥ ३ ॥
दॆवकीतनय दुःखदवाग्नॆ
राधिकारमण रम्य सुमूर्तॆ ।
दुःखमॊचक दयार्णव नाथ
श्रीपतॆ शमय दुःखमशॆषम् ॥ ४ ॥
गॊपिकावदनचन्द्रचकॊर
नित्य निर्गुण निरन्जन जिष्णॊ ।
पूर्णरूप जयशंकरशर्व
श्रीपतॆ शमय दुःखमशॆषम् ॥ ५ ॥
गोकुलॆश गिरिधारणधीर
यामुनाच्छतटखॆलन वीर ।
नारदादि मुनिवन्दितपाद
श्रीपतॆ शमय दुःखमशॆषम् ॥ ६ ॥
द्वारकाधिप दुरन्तगुणाब्धे
प्राणनाथ परिपूर्ण भवारॆ ।
ज्ञानगम्य गुणसागर ब्रह्मन्
श्रीपतॆ शमय दुःखमशॆषम् ॥ ७ ॥
दुष्टनिर्दलन दॆव दयालॊ
पद्मनाभ धरणीधर धन्विन् ।
रावणान्तक रमॆश मुरारॆ
श्रीपतॆ शमय दुःखमशॆषम् ॥ ८ ॥
अच्युताष्टकमिदं रमणीयम्
निर्मितं भवभयं विनिहन्तुम् ।
यः पठॆत् विषयवृत्तिनिवृत्तिम्
जन्मदुःखमखिलं स जहाति ॥ ९ ॥
***
No comments:
Post a Comment